भारत कोलकाताको एक होटलमा आगलागी, १४ जनाको मृत्यु
भारतको कोलकाताको सबैभन्दा व्यस्त बुर्रा बजार क्षेत्रमा रहेको एक होटलमा आगलागी हुँदा १४ जनाको मृत्यु भएको छ ।
आगलागी भएको होटलको चौथो तलाबाट हाम फाल्ने क्रममा दुई जना घाइते भएका स्थानीय सुरक्षा निकायलाई उद्धृत गरी भारतीय सञ्चारमाध्यमले जनाएका छन् ।
गएराति भएको आगलागीमा फसेका केहीको उद्धार गरिएको छ । विद्युत् शर्ट भएर आगलागी भएको हुनसक्ने प्रारम्भिक अनुमान छ । तर विस्तृत अनुसन्धान गर्न विशेष टोली गठन गरिएको छ ।
आगलागी भएको क्षेत्र कोलकाता शहरको सबैभन्दा ठूलो फलफूल बजारको बीचमा रहेको छ ।
प्रकाशित मिति: बुधबार, वैशाख १७, २०८२ १२:२९
प्रतिक्रिया दिनुहोस्
साताको लोकप्रिय
