Sagun Khabar
बैतडीको सुर्नया गाउँपालिकामा विद्यालय मर्ज गर्न अनुगमनमा तिब्रता

बैतडी- बैतडीको सुर्नया गाउँपालिकामा विद्यालय अनुगमन तिब्र पारिएको  छ । अगामी शैक्षिक सत्र पूर्व नै विद्यालय समायोजन गर्ने उदेश्यले अहिले अनुगमन तिब्र पारिएको  हो ।  

कक्षा  समायोजनका लागि सामुदायिक विद्यालयहरुको अनुगमन तिब्र पारिएको सुर्नया गाउँपालिका वडा नं  ५ का वडा अध्यक्ष एवं सामाजिक विकास समिति संयोजक केशब बहादुर  विष्टले  जानकारी दिए । अहिले  सम्म ३० विद्यालय  अनुगमन भैसकेका उनले  बताए ।

स्वास्थ्य सन्देश
Atrya hospital

विद्यार्थी संख्या न्यून रहेका विद्यालयहरुलाई अगामी शैक्षिक सत्र पूर्व नै समायोजन गर्ने गरि गाउँपालिकाले विद्यालयको अनुगमनमा तिब्रता दिएको सुर्नया गाउँपालिका शिक्षा शाखा प्रमुख टंक प्रशाद अवस्थीले बताए ।  विद्यालयको अवस्था र विद्यार्थी संख्याको  आधारमा विद्यालयहरुको   तह र कक्षा समायोजन गरिने  बताइएको छ । यसले दरबन्दी मिलानका लागि पनि सहज हुने अपेक्षा गरिएको छ ।

सबै  सामुदायिक विद्यालयमा अनुगमन  गरिने र त्यसपछि प्रतिवेदन तयार पारेर कार्यपालिकामा पेश गरिने बताइएको  छ ।  अनुगमन समितिले तयार पारेको प्रतिवेदन कार्यपालिकामा पेश गरेपछि कार्यविधि तयार पारेर समायोजन गरिने गाउँपालिकाले  जनाएको  छ ।  सुर्नया गाउँपालिकामा ३९ ओटा सामुदायिक विद्यालय रहेका छन्। 

प्रकाशित मिति: बुधबार, फागुन १६, २०८०  १२:५३
प्रतिक्रिया दिनुहोस्
Weather Update