बैतडी–बैतडीको दशरथचन्द नगरपालिकाका प्रमुख प्रशासकीय अधिकृत जगदीश जोशीको सरुवा भएको छ । उनको संघीय मामिला तथा सामान्य प्रशासन मन्त्रालयमा सरुवा भएको हो ।
सरुवा भएपछि जोशी रमना लिएर दनपाबाट शनिबार गइसकेका छन् । गएको माघ १५ गतेदेखि दशरथचन्द नगरपालिकाको प्रमुख प्रशासकीय अधिकृतको रुपमा कार्यरत जोशीको ५ महिना नपुग्दै सरुवा गरिएको हो ।
आर्थिक बर्षको अन्त्यतिर प्रमुख प्रशासकीय अधिकृत जोशीको सरुवा भएपछि नगरपालिकामा आर्थिक तथा प्रशासनिक कामहरुमा बाधा पर्ने देखिएको छ । मन्त्रालयले सरुवा गरेपछि आफू नगरपालिकाबाट रमाना लिएर गइसकेको जोशीले बताए ।
जोशीलाई गृहमन्त्रालयबाट गएको पुस १२ गते दशरथचन्द नगरपालिकाको प्रमुख प्रशासकीय अधिकृतको रुपमा खटाएको थियो ।
जोशीले यसअघि मेलौली नगरपालिका र पञ्चेश्वर गाउँपालिकामा समेत प्रमुख प्रशासकीय अधिकृतको रुपमा काम गरिसकेका छन् ।
स्थानीय तहमा जनप्रतिनिधि र कर्मचारीहरुबीच कुराकानी नमिल्दा धेरै समय कर्मचारी टिक्न सकेका छैनन् ।
