बैतडी- बैतडीमा आगलागी हुँदा ३ लाखको क्षति भएको छ । जिल्लाको पुर्चाैडी नगरपालिका १ बसन्तपुर हाट बजारमा आइतबार राती ८ बजे मिठाई र श्रीङ्गार पसलमा आगलागी हुुँदा ३ लाखको क्षति भएको जिल्ला प्रहरी कार्यालय बैतडीले जनाएको छ ।
कमल सिंह ठाकुरको मिठाईपसलबाट खाना बनाउनेबेला ग्याँस लिक भएर आगलागी भएको बताइएको छ । मिठाईपसलसँगै जोडिएको श्रीङगार पसलमा पनि आगो लागेको जिल्ला प्रहरी कार्यालय बैतडीका प्रमुख प्रहरी निरिक्षक लोकराज जोशीले जानकारी दिए ।
उनका अनुसार आगलागीबाट दुवै पसलमा करिब ३ लाख बराबरको क्षति भएको छ । पसलमा लागेको आगो राती प्रहरी र स्थानीयको सहयोगमा नियन्त्रणमा आएको प्रहरी प्रवक्ता जोशीले बताए ।
प्रकाशित मिति: सोमबार, असार २०, २०७९ ११:२८
प्रतिक्रिया दिनुहोस्