बैतडी –बैतडीको दशरथचन्द नगरपालिकाले बहुमतले बजेट पास गरेपछि नेपाली कांग्रेस दशरथचन्द नगरकार्य समितिले आकस्मिक बैठक बोलाएको छ । कांग्रेसबाट निर्वाचित उपप्रमुख लगायत वडा अध्यक्षहरुले सभा बहिष्कार गरेकै समयमा बहुमतले बजेट पारित गरेपछि कांग्रेसले भोलिका लागि बैठक बोलाएको हो ।
विधि प्रक्रिया मिच्दै छलफल बिना बजेट ल्याएको भन्दै दशरथचन्द नगरपालिकामा कांग्रेसबाट निर्वाचित जनप्रतिनिधिहरुले बैठक बहिष्कार गरेकै समयमा नगरसभाका बहुमत सदस्यहरुले बजेट पास गरेका हुन् ।
दशरथचन्द नगरपालिकामा प्रमुख सहित एमालेको बहुमत रहेको छ । विधि विपरीत बजेट पास गरेकाले आवश्यक रणनीतिका बिषयमा छलफल गर्न पार्टीको बैठक बोलाएको नेपाली कांग्रेस दशरथचन्द नगरकार्य समितिका उपसभापति सुरजबहादुर चन्दले जानकारी दिए । बिहान साढे ११ बजे बैठक बस्ने उनले बताए ।