बैतडी- बैतडीमा अवरुद्ध भएको विद्युतीय राहदानी  (ई–पासपोर्ट)सेवा सुचारू भएको छ । विद्युतीय राहदानी जारी गर्ने सर्भरमा समस्या आएर गत असार १७ गतेदेखि अवरुद्ध सेवा  सुचारु भएको हो ।

इन्टरनेट सेवा प्रदायक संस्था सुबुसुको उपकरणमा समस्या आएर बन्द भएको  विद्युतीय राहदानी  (ई–पासपोर्ट) सेवा फेरी सञ्चालनमा आइसकेको  जिल्ला प्रशासन कार्यालयका सूचना अधिकारी खगेन्द्र भारतीले जानकारी दिए ।

अवरुद्ध सेवा पुनः सुचारु भएपछि अहिले धमाधम सेवा प्रवाह भइरहेको उनले बताए ।  बैतडीमा पहिलोपटक गत जेठ १२ गतेदेखि विद्युतीय राहदानी  (ई–पासपोर्ट) सेवा सुरू भएको  हो  ।