बैतडी- बैतडीमा पहिरोले खानेपानीको पाइपलाइन बगाउँदा नागरिकहरु समस्यामा परेका छन् । लगातारको  वर्षा संगै आएको पहिरोले खानेपानीको  पाइपलाइन बगाएपछि  सुर्नया गाउँपालिका  वडा नं ८ सेला गाउँका एक सय परिवारलाई  खानेपानीको  समस्या भएको थानीय राम बहादुुर साउँद जानकारी  दिए ।

 पहिरोले  स्थानीयका खेत सहित खानेपानीको  मेनलाईन  बगाएको उनले  बताए ।  पहिरोले  खानेपानीको  पाइपलाइन क्षति¥याएपछि  अहिले  आफुहरु  समस्यामा परेका  स्थानीय धनी साउँदले बताए । अहिले खानेपानीको जोहो खोलाबाट गर्नुे परेको स्थानीयहरुको  भनाई  छ ।  

यस्तै पहिरोले  स्थानीयहरुको खेती योग्य जमिन समेत बगाएको  छ । पहिरोले दिपेन्द्र  साउँद , बिरेन्द्र साउँद, जनक साउँद, बसन्त साउँद,कमल साउँद,  रमेश साउँद र  धनी साउँदको मकै लागाएको  जमिन बगाएको  स्थानीय  रामले  बताए । पहिरोले  सेला गाउँमा ठुलो क्षती  गरेको उनको  भनाई  छ ।

केहि दिन पहिले सो ठाउँमा स्थानीय धनी साउँदको दुई कोठे घर पहिरोले  भत्कीएको थियो । पसल थापेको  घर  भत्कीदा २० लाखको क्षती भएको थियो । अहिले  पहिरो पिडीत नागकिहरुले  क्षतिपूर्तीको  माग गरेका छन्  भने खानेपानी सञ्चालनका लागि स्थानीय सरकारलाई  अनुरोध गरेका छन् ।