डडेल्धुरामा एक बालिका मृत फेला
डडेल्धुरा –डडेल्धुरामा एक बालिका मृत फेला परेकी छिन् ।
जिल्लाको परशुराम नगरपालिका– १२ आमपानी बस्ने १४ वर्षीया अमृता राउटे बुधबार बिहान मृत फेला परेकी हुन् ।
रंगुन नदीको किनाराको तटबन्धमा उनी मृत फेला परेकी हुन् । हिजो मंगलबार दिउँसो घरबाट माछा मार्न भनि खोला तिर गएकी अमृता अबेरसम्म घर नआएपछि उनको खोजी गरिएको थियो ।
खोजीकै क्रममा आज बिहान उनको शव फेला परेको इलाका प्रहरी कार्यालय जोगबुढाका प्रमुख गंगादत्त बडुले बताए । बालिकाको कपडा भिजेको र मुखबाट फिज आएको उनले बताए ।
घटनाकोबारे प्रहरीले थप अनुसन्धान गरिरहेको छ ।
प्रकाशित मिति: बुधबार, साउन ३१, २०८० ०८:३५
प्रतिक्रिया दिनुहोस्
साताको लोकप्रीय
