बैतडी–बैतडीका एक किशोर भारतको आनन्दविहार बसपार्कबाट बेपत्ता भएका छन् । जिल्लाको पञ्चेश्वर गाउँपालिका ४ चौंडालीका २० बर्षीय विजय चन्द भारतको नयाँदिल्लीस्थित आनन्दविहार बसपार्कबाट बेपत्ता भएका हुन् ।
रोजगारीका लागि भारत गएका चन्द शुक्रबार बिहान चारबजेतिर आनन्दविहार बसपार्कबाट बेपत्ता भएका भारतको पञ्जाबमा रहेका बैतडीका जय चन्दले जानकारी दिए ।
गाउँकै एकजनासंग भारत गएका विजय बेपत्ता भएपछि उनको खोजी गरिदिन परिवारजनले आग्रह गरेका छन् ।
बसपार्कबाट विजय बेपत्ता भएपछि भारतीय प्रहरीलाई जानकारी समेत गराइसकेको तर अहिलेसम्म फेला पार्न नसकेको चन्दले बताए । भारतमा रहेका नेपालीहरुलाई विजयको खोजीमा सहयोग गरिदिन अनुरोध समेत गरिएको छ ।
बेपत्ता भएका विजय चन्दका दाजु अजय चन्द पनि रोजगारीको सिलसिलामा भारतमै रहेका छन् । विजयलाई कसैले भेटेमा ९१७८३६९५८७६२ नम्बरमा सम्पर्क गरिदिन आग्रह गरिएको छ ।
