दार्चुलामा भीरबाट लडेर एक वृद्धको मृत्यु
दार्चुला –दार्चुलामा भीरबाट लडेर एक वृद्धको मृत्यु भएको छ । जिल्लाको लेकम गाउँपालिका वडा नम्बर ५ अम्कुरका ८६ वर्षीय गगनसिंह बोहराको भीरबाट लडेर मृत्यु भएको हो ।
शनिबार साँझ दाउरा ल्याउन गएका बोहरा बाँजाधार भीरबाट लडेका हुन् । उनको घटनास्थलमै मृत्यु भएको लेकम गाउँपालिका वडा नं–५ का वडा अध्यक्ष बल्देवसिंह बोहराले जानकारी दिए ।
बोहरा भीरबाट १ सय ५० मिटर तल खसेका थिए ।
गाउँका जेष्ठ नागरिक बोहराको मृत्यु भएपछि गाउँमै रहेको भगवती आधारभूत विद्यालयमा आज शोक बिदा दिइएको वडा अध्यक्ष बोहराले बताए ।
प्रकाशित मिति: आइतबार, पुस २१, २०८१ ११:३९
प्रतिक्रिया दिनुहोस्
थप दार्चुला
साताको लोकप्रिय
