बैतडी – बैतडीको मेलौली नगरपालिकास्थित तस्वदेही इलाका प्रहरी कार्यालयको स्तरोन्नती गरिएको छ । गृह मन्त्रालयले उक्त इलाका प्रहरी कार्यालयलाई ‘क’ श्रेणीको बनाएको हो ।
इलाका प्रहरी कार्यालयको स्तरोन्नती भएसंगै अब त्यहाँ प्रहरी निरीक्षक इन्चार्ज हुनेछन् । तस्वदेही इलाका प्रहरी कार्यालयको स्तरोन्नती भएपछि तल्लोसोराडका नागरिक खुसी भएका छन् । अब मेलौलीस्थित इलाका प्रहरी कार्यालयमा पञ्चेश्वर गाउँपालिका, शिवनाथ गाउँपालिका र मेलौली नगरपालिकाको क्षेत्र हेर्नेछ । सो क्षेत्रको जनसंख्या ७० हजार भन्दा बढी रहेको छ ।
मेलौलीस्थित इलाका प्रहरी कार्यालयको स्तरोन्नती भएपनि पुर्चौंडीस्थित पुरघाट प्रहरीचौकीको भने स्तरोन्नती भएको छैन् । सो चौकीलाई पनि स्तरोन्नतीका लागि माग गरिएको थियो ।
तस्वदेही इलाका प्रहरी कार्यालयलाई स्तरोन्नती गर्नका मेलौली नगरपालिकाले लिखित रुपमै अनुरोध गरेको थियो ।