बैतडी-  बैतडीको पाटन नगरपालिकामा नागरिक सहायता कक्ष अर्थात हेल्प डेस्क स्थापना  गरिएको  छ ।   नगरपालिकाले  हेल्प डेस्क सेवा सञ्चालनमा ल्याएको हो ।

नवनिर्वाचित मेयर गौरीसिंह रावल र उपमेयर कमलसिंह बोहराको उपस्थितीमा बसेको पाटन नगरकार्यपालिकाको प्रथम बैठकले केहि दिन पहिले हेल्प डेस्क सञ्चालन गर्ने निर्णय गरेको थियो । सोहि निर्णय बमोजिम  पाटनमा हेल्प डेस्क  स्थापना गरेर सेवा सुरु  भएको नगरपालिकाका प्रमुख प्रशासकिय  अधिकृत  राजेन्द्र प्रशाद भट्टले  जानकारी दिए ।

सेवा लिन नगरपालिकामा पुगेका नागरिकहरुलाई अलमल नहोस भन्ने हेतुले हेल्प डेस्क स्थापना  गरिएको  र  यसबाट  नगागरिकहरुले  सहज हुने  अपेक्षा गरेका उनले  बताए । । हेल्प डेस्कमा एक जना कर्मचारी खटाइएको बताइएको  छ ।