बैतडी- बैतडीमा दलित सम्बन्धी बनेका कानुन कार्यान्वयनको अवस्था र सरोकारवाला बिचको भुमिका विषयक अन्तरक्रिया कार्यक्रम सम्पन्न भएको छ । दलित समाज विकास मञ्चको आयोजनामा जिल्लाको मेलौली नगरपालिकामा अन्तरक्रिया कार्यक्रम सम्पन्न भएको हो ।
दलित समाज विकास मञ्चकी बैतडी अध्यक्ष सरस्वती नेपालीको अध्यक्षतामा भएको अन्तरक्रिया कार्यक्रममा दलित सम्बन्धी बनेका ऐन कानुन कतिको कार्यान्वयन भएका छन् र कानुन कार्यान्वयन गराउन के कसरि अगाडी बढ्ने विषयमा छलफ भएको दलित समाज विकास मञ्च बैतडीका सदस्य सुरेश सेरलाले जानकारी दिए । दलितहरुको अवस्था र समस्याका बारेमा समेत कार्यक्रममा छलफल भएको छ ।
कार्यक्रममा सहभागि दलित अगुवाहरुले सो कुराको जानकारी दिएको र त्यसका विषयमा स्थानीय सरकारका जनप्रतिनिधहरुलाइ जानाकारी गराएको दलित समाज विकास मञ्च बैतडी अध्यक्ष सरस्वती नेपालीले बताइन् ।
अहिले कानुन बने पनि जातिय छुवाछुत यथावतै रहेको उनले बताए । कार्यक्रममा सहभागि वडा नं २ र ३ का जनप्रतिनिधिहरुले दलितका समस्या समाधान गर्न र पक्षमा बनेका कानुन कार्यान्वयन गर्नका लागि प्रतिबद्धता समेत व्यक्त गरेका बताइएको छ ।
कार्यक्रममा जनप्रतिनिधि, राजनितिकदलका नेता र दलित अगुवाहरुको हसभागिता रहेको थियो ।
