पञ्जाबबाट करोड बढीको सुन चोरी प्रकरण : बैतडीका दुई जना पक्राउ
बैतडी –भारतबाट सुन चोरी गरिएको प्रकरणमा प्रहरीले थप दुई जना पक्राउ गरेको छ । भारतको पञ्जावमा भएको एउटा सुन चोरीको घटनामा संलग्न रहेको आरोपमा उनीहरुलाई पक्राउ गरिएको हो ।
सो प्रकरणमा सोमबार बैतडीका दुईजनालाई पक्राउ गरिएको छ । प्रहरीले उनीहरुको परिचय भने गोप्य राखेको छ । सुन चोरी प्रकरणमा अहिले सम्म ६ जना पक्राउ परेका र उनीहरुमाथि अनुसन्धान भइरहेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीले बताए ।
सोमबार पक्राउ परेका बैतडीका दुईजना पनि भारतबाट सुन चोरेर नेपाल ल्याउने कार्यमा संलग्न रहेको प्रहरीले दाबी गरेको छ ।
यसअघि सो घटनामा संलग्न रहेको आरोपमा प्रहरीले धनगढीका सुन व्यवसायी सन्तोष लामिछाने सहित चार जनालाई पक्राउ गरेको थियो ।
प्रकाशित मिति: सोमबार, साउन २३, २०७९ १८:०८
प्रतिक्रिया दिनुहोस्
थप बैतडी
-1713583843.jpeg)
साताको लोकप्रीय
