बैतडी –महाकाली नदीमा बगेर बगेर बेपत्ता भएका दुई जना किशोरी अझै फेला परेका छैनन् । शुक्रबार दिउँसो नुहाउने क्रममा दशरथचन्द नगरपालिका ८ की १५ बर्षीया संगीता टमाटा र १६ बर्षीया कविता टमाटा बगेर बेपत्ता भएकी हुन् ।
महकाली नदी किनार मौरा भन्ने स्थानबाट उनीहरु बगेर बेपत्ता भएका निमित्त प्रमुख जिल्ला अधिकारी खगेन्द्र भारतीले बताए । शुक्रबार दिउँसो बगेर बेपत्ता भएकाहरुको बारेमा साँझ मात्रै प्रहरीलाई खबर भएको थियो ।
शुक्रबार राति पनि खोजी गरेको नेपाल प्रहरी र सशस्त्र प्रहरीको टोलीले शनिबार बिहानैदेखि बेपत्ता भएकाहरुको खोजी कार्य शुरु गरेको निमित्त प्रमुख जिल्ला अधिकारी भारतीले बताए ।
उनीहरु बगेर बेपत्ता भएको बारेमा झुलाघाट बाहेक अन्य ठाउँमा रहेका सशस्त्र प्रहरीका बिओपीलाई पनि जानकारी गराइएको छ भने सीमामा रहेका भारतीय सुरक्षाकर्मीहरुलाई समेत जानकारी गराइएको निमित्त प्रमुख जिल्ला अधिकारी भारतीले बताए ।