बैतडी- बैतडीमा  उद्योग दर्ता हुने  क्रम बढेको  छ ।  घरेलु तथा साना उद्योग कार्यालय बैतडीमा अहिले  सम्म साढे तीन हजार बढी उद्योगहरु  दर्ता  भइसकेका छन् ।

हाल सम्म जिल्लामा लघु,घरेलु र साना गरि३ हजार ५ सय ९० उद्योगहरु दर्ता भइसकेका घरेलु तथा साना उद्योग बैतडीको कार्यालयका सूचनाअधिकारी लक्ष्मण साउँदले जानकारी दिए । उनका अनुसार आर्थिक वर्ष २०७८÷७९ मा ७ सय ५४ उद्योगहरु दर्ताभएका छन् ।

यस्तै २०७७÷७८ मा १ सय ३१लघु ४सय१८ घरेलु, ४५साना उद्योग दर्ता भएका उनले  बताए ।  केहि वर्ष अघि र अहिलेको तथ्याँक हेर्दा जिल्लामा उद्योगहरु दर्ता गर्ने संख्या दोब्बरले बढेको घरेलु तथा साना उद्योग कार्यालय बैतडीले जनाएको छ । जिल्लामा उद्योगको संख्यात्मक स्वरुप बढ्दै गएपनि उत्पादन र रोजगारीको क्षेत्र भने फराकिलो नबनेको पाइएको छ ।

 उद्योगहरुको संख्या बढेको भएपनि उद्यमीहरु नबढेका घरेलु तथा साना उद्योग कार्यालय बैतडीका प्रमुख अम्बादत्त जोशीले बताए । सरकारी सेवा सुविधा र  अनुदानका  लागि उद्योगहरु दर्ता  भएका उनले  बताए।  जिल्लामा उद्योगहरु दर्ता  प्रकृया धमाधम भइरहे पनि अनुगमन भने  हुन सकेको छैन् ।

 घरेलु  तथा साना उद्योग कार्यालयले  भने  अहिले  सम्म अनुगमन  गर्न  नसकिएको स्वीकार गरेको छ । दर्ता भएका कतिपय  उद्योगहरुमा सरकारी पक्षबाट अनुदान समेत प्राप्त भइसकेको  छ  तर  काम भने नभएको  पाइएको छ ।  सरकारी  अनुदान पचाउनकै  लागि जिल्लामा उद्योगहरु  बढेका  कतिपयको भनाई  छ ।