बैतडीका एक युवक अत्तरीयामा मृत फेला, हत्या भएको परिवारजनको आशंका
बैतडी – बैतडीका एक युवकको शव कैलालीको अत्तरियास्थित एक पसलको ट्वाइलेटमा फेला परेको छ । गोदावरी नगरपालिका–१ वरपिपलमा रहेको चौलागाँई वस्त्रालयमा काम गर्ने अन्दाजी २२ वर्षीय जयन्तबहादुर कार्कीको शव शनिवार साँझ फेला परेको हो ।
बैतडीको डिलाशैनी–७ घर भएका कार्की विगत २ वर्षदेखि उक्त वस्त्रालयमा कार्यरत रहेका थिए । कार्कीको शव शंकास्पद रुपमा फेला परेपछि आफन्तले उनको हत्या भएको आशंका गरेका छन् ।
घटनाको सत्यतथ्य छानबीन हुनुपर्ने परिवारजनले माग गरेका छन् । घटनाको अनुसन्धान भइरहेको प्रहरीले जनाएको छ ।
प्रकाशित मिति: आइतबार, भदौ ५, २०७९ ०८:३५
प्रतिक्रिया दिनुहोस्
साताको लोकप्रिय
