बैतडी- बैतडीको सुर्नया गाउँपालिका ६ मा मदिरा बेचविखन गर्ने र जुवातास खेल्नेलाई  कारवाही गरिने भएको छ । चाँँड पर्वका बेला मदिरा बेचविखन तथा ओसार पसार, जुवातास  खेल्ने र  खेलाउनेलाई वडा कार्य समितिले  कारवाही गर्ने निर्णय गरेको हो  ।

तीज र गौरा पर्वलाई  शान्त  बातावरणमा सम्पन्न गर्न मदिरा बेचविखन तथा ओसार पसार र जुवातास, खेल्ने खेलाउने कार्य वडाले बन्द गरेको  सुर्नया गाउँपालिका वडा नं  ६ का  कार्यबाहक अध्यक्ष लोकेन्द्र  बहादुर कुवँरले जानकारी दिए । कसैले  वडाले  गरेको  निर्णय उलंघन गरे कारवाही हुने  उनले  बताए ।

उनका अनुसार मदिरा बेचविखन र  सेवन गरि  होहल्ला गर्नेलाई  पहिलो पटक १ हजार, दोस्रोपटक  १५ सय  र तेस्रोपटक २ हजार जरीवाना गरिने बताइएको छ । यस्तै जुवातास खेल्नेलाई १ हजार खेलाउनेलाई १५ सय  जरीवाना तोकिएको कार्यबाहक वडा अध्यक्ष कुवँरले बताए ।