बैतडी- बैतडीमा बाँदरको आक्रमणबाट दुइ जना घाइते भएका छन् । आइतबार जिल्लाको पुर्चाैडी नगरपालिका ८ लामुनी टोलकी २८ वर्षीया झपु जोशी र उनका ११ वर्षीय छोरा लक्ष्मण जोशी बाँदरको आक्रमण बाट घाइते भएका हुन् ।
बिहान बाँदरहरु मकैबाली खान खेतमा आएका र धापाउने बेला बाँदरहरुले आक्रमण गर्दा आमा छोरा घाइतेका भएका जनाइएको छ । घाइते दुवैको पुर्चाैडीको हाट स्वास्थ्य चौकीमा उपचार भइरहेको छ । दुवैको अवस्था सामान्य रहेको बताइएको छ । स्रोतका अनुसार बाँदरको आक्रमणबाट घाइते उनिहरुको खुट्टा, पाखुरा, घाँटी, अनुहार र ढाडमा चोट रहेको छ।
जिल्लाको धेरै ठाउँमा बाँदरहरुको आतंक छ । बाँदरहरु पछिल्लो समय आक्रमण समेत गर्न थालेपछि समस्या भएको स्थानीय चक्रदेव भट्टले बताए । बालिनाली सखाप पार्ने गरेका बाँदरहरु अहिले आक्रमण समेत गर्न थालेपछि जिल्लाका किसानहरु परिसान भएका छन्।
