बैतडी- बैतडीमा छोराको न्वारनमा विद्यार्थीहरुलाई शैक्षिक सामग्री वितरण गरिएको छ । जिल्लाको मेलौली नगरपालिका वडा नं ७ काँडा बजार बस्ने सुरेश परियारका छोरा केशब परियारले छोराको न्वारनमा सिङ्गापुर आधारभूत विद्यालयका विद्यार्थीहरुलाइ कापी कलम वितरण गरेको हो ।
वडा नं १ स्थित सिङ्गापुर आधारभूत विद्यालयमा अध्यानरत करिब ९० जना विद्यार्थीहलाई एक÷एक कापी र कलम वितरण गरेको उनले बताए । न्वारनमा मदिरा र मासु पार्टी गर्नुे भन्दा अध्यानरत बालबालिकाहरुलाई केहि राहत होस भनेर छोराको न्वारनमा आफुले कापी कलम वितरण गरेको परियाको भनाई छ ।
फजुल खर्च गरेर भव्य कार्यक्रम आयोजना भन्दा समाज सेवामा लगानि लगाउनु पर्छ भन्ने भावनाको विकास गराउन नातिको न्वारनमा बालबालिकाहरुलाई शैक्षिक सामग्री दिइएको मेलौली नगरपालिका कार्यपालिका सदस्य सुरेश परियारको भनाई छ ।
बालबालिकाको पठनपाठनमा सहज होस् भनेर शैक्षिक सामग्री वितरण गरेको र यसबाट थोरै भएपनि राहत मिल्ने अपेक्षा गरको उनले बताए । केशब परियार नेपाल प्रहरी हुन् । उनि अहिले इलाका प्रहरी कार्यालय मेलौलीमा कार्यरत छन् ।
