बैतडी- बैतडीको पञ्चेश्वर ४ मा नेपाल टेलिकमका सेवाग्राही समस्या परेका छन् । घाम अस्ताए संगै नेटवर्क हराउने भएपछि यहाँका सेवाग्राही समस्यामा परेका हुन् । नेपाल टेलिकमका नेटवर्क घाम अस्ताएसंगै हराउने भएपछि आफुहरुलाई धेरै समस्या भएको स्थानीय प्रकाश चन्दले बताए ।
घाम अस्ताएसंगै नेटवर्क पनि जाने भएकाले सारै समस्या हुने गरेको उनको भनाई छ । यस्तै सोलार प्यानलबाट सञ्चालित नेपाल टेलिकमका टावरले काम गर्न छाड्ने भएपछि नागरिकहरु रातिको समयमा सम्पर्कविहिन हुने गरेका छन् । मौसममा खराबि आउँदा टेलिकमका नेटवर्क विलय हुने भएकाले आफुहरु रातिको समयमा सम्पर्क विहिन हुने गरेका अर्का स्थानीय बिक्रम सार्कीले बताए ।
सूर्यास्तसंगै टावर पनि विलय हुने भएपछि भ्वाइस सेवा र इन्टरनेट सेवाबाट आफुहरु बञ्चीत हुने गरेका त्यहाँका नागरिकहरुको गुनासो छ । नेपाल टेलिकमको सेवा प्रभावकारी नहुँदा पञ्चेश्वरको चौडाली, फ्याउले लगायतका नागरिकहरु समस्या परेका छन् । वडाकै धामकुडिमा रहेको टेलिकमको सेवा प्रभावकारी नहुँदा सेवाग्राही निराश भएका छन् ।
सोलार प्यानलबाट सञ्चालित नेपाल टेलिकमका टावरले समस्या गरेको भन्दै नेपाल टेलिकम बैतडीका प्रमुख बिक्रम राम टमाटाले टावरमा विद्युत आपूर्तिको काम भइहेको बताए । अधिकाँश टावरमा विद्युत आपूर्ति नहुँदा समस्या भएकाले यसको समाधानका लागि लागि पहल भइरहेको उनले बताए ।
बैतडीमा ३५ ओटा नेपाल टेलिकमका टावर छन् । ३५ मध्ये ९ ओटा टावर सोलार प्यानबाट सञ्चालित छन् । सबै नेपाल नेपाल टेलिकमका टावरमा विद्युत आपूर्तिका लागि पहल भइरहेको नेपा टेलिकम बैतडीले जनाएको छ ।
सोलार प्यानबाट सञ्चालित नेपाल टेलिकमका टावरले मौसमा खराबि आउँदा काम गर्न छाड्ने भएपछि नागरिकहरुले बेला बेला सास्ती भोगनु परेको छ ।
