आजदेखि सुदूरपश्चिममा विद्युत सेवा अनियमित
बैतडी – आजदेखि बैतडी सहित सुदूरपश्चिमका सबै जिल्ला विद्युत सेवा अनियमित भएको छ । शनिबारदेखि ६ दिनसम्म विद्युत् सेवा अनियमित हुने अत्तरिया ग्रिड शाखाले सूचना मार्फत जनाएको छ ।
अत्तरीया शाखाको सूचना अनुसार विद्युत सेवा अनियमित भएको नेपाल विद्युत प्राधिकरण बैतडी वितरण केन्द्रका सुपरभाइजर माधवप्रसाद लेखकले बताए । अत्तरिया ग्रिड शाखाअन्तर्गत स्याउले अत्तरिया १३२ केभी प्रसारण लाइनको मर्मत सम्भारको काम गर्नुपर्ने भएपछि आजदेखि विद्युत् सेवा अनियमित भएको हो ।
शनिबारदेखि यही पुस १५ गतेसम्म विद्युत् सप्लाई अनियमित हुन सक्ने लेखकले जानकारी दिए ।
प्रकाशित मिति: शनिबार, पुस ९, २०७९ १२:३०
प्रतिक्रिया दिनुहोस्
थप बैतडी
साताको लोकप्रिय
