बैतडी- बैतडीको सुर्नया गाउँपालिकाले सञ्चालन गरेको ग्रामीण अल्ट्रासाउण्ड कार्यक्रममा डेढ सय बढीले सेवा लिएका छन् । गर्भवती आमाहरुको स्वास्थ्य स्थितीका बारेमा थाहा पाउनका लागि निशुल्क रुपमा सञ्चालन गरिएको ग्रामीण अल्ट्रासाउण्ड कार्यक्रममा १ सय ६१ जनाले सेवा लिएका सुर्नया गाउँपालिकाका स्वास्थ्य शाखा प्रमुख रामसिंह महराले जानकारी दिए ।
पालिकाका विभिन्न स्वास्थ्य संस्थाहरुमा निशुल्क ग्रामीण अल्ट्रासाउण्ड कार्यक्रम सञ्चालन भएको थियो । गर्भावस्थामा हुन सक्ने जटीलताका बिषयमा समयमै पत्ता लगाई मातृ मृत्यु र शिशु मृत्यु रोक्नका लागि प्रथम चरणको अल्ट्रासाउण्ड कार्यक्रममा सम्पन्न गरिएको र तिन महिना पछि फेरी कार्यक्रम सञ्चालन गरिने स्वास्थ्य शाखा प्रमुख महराले बताए ।
उनका अनुसार भौनेली स्वास्थ्यचौकीमा १९ जना सेवा लिएका छन् । यस्तै वाशुलिङ्ग स्वास्थ्यचौकीमा १४, वाशुदेव आधारभूत स्वास्थ्य केन्द्रमा १३ जना र हटैराज स्वास्थ्यचौकीमा ६ जनाले सेवा पाएका छन् ।
यस्तै शंकरपुर स्वास्थ्यचौकीमा, ६जना , रौलेश्वर स्वास्थ्यचौकीमा २८, शिखरपुर सामुदायिक स्वास्थ्य इकाइमा १६ जना, शिखरपुर स्वास्थ्यचौकीमा ३७ जना र भूमीराज आधारभूत स्वास्थ्य केन्द्रमा २२ जनाले सेवा लिएका छन् । आफ्नो नजिकको स्वास्थ्य संस्थामा सेवा पाउँदा सेवाग्राही पनि खुसि भएक छन् ।
