बैतडी- पहिरोले अवरुद्ध महाकाली राजमार्ग सुचारु भएको छ। बैतडीको सुर्नया गाउँपालिका ३ धरमघर नजिकको सडकखण्डमा पहिरोले खसेर अवरुद्ध भएको राज मार्ग खुलेको हो ।
सतबाँझ–गोकुलेश्वर खण्डको सुर्नया गाउँपालिका–३ धरमघर भन्दा तल हिलसाइड होटेल नजिक पहिरो खसेपछि अवरुद्ध भएको राज मार्ग सुचारु भएको जिल्ला प्रहरी कार्यालय बैतडीका प्रहरी प्रवक्ता प्रहरी निरीक्षक योगेश खत्रीले जानकारी दिए ।
लागातारको वर्षाका कारण सडक माथिबाट पहिरो खसेर आइतबार बिहान ११ बजे देखि राजमार्ग अवरुद्ध थियो । राजमार्ग अवरुद्ध हुँदा सवारी साधन रोकिएर यात्रुहरु बीचबाटोमै अलपत्र परेका थिए ।
राजमार्ग खुले संगै सवारी साधान सञ्चालनमा आएका प्रहरी प्रवक्ता खत्रीले बताए । बैतडी सहित सुदूरपहाडमा हिजो देखि लगातार वर्षा भैरहेको छ । वर्षाका कारण जनजीवन प्रभावित भएको छ ।