बैतडी- अविरल वर्षापछि खसेको पहिरोले अवरुद्ध जयपृथ्वी राजमार्ग अझै खुलेको छैन् । बैतडीको पाटन नगरपालिका ८ विजयपुर नजिक सडक माथिबाट ठुलो ढुंगा खसेर अवरुद्ध भएको जयपृथ्वी राजमार्ग अझै खुल्न नसकेको हो ।
आइतबार दिउँसो १ बजे उक्त राजमार्गको बैतडीको पाटन नगरपालिका ८ विजयपुर नजिकै सडक माथिबाट ठुलो ढुंगा खसेर अवरुद्ध भएको राजमार्ग अझै सुचारु नभएको जिल्ला प्रहरी कार्यालय बैतडीले जनाएको छ ।
खोडपेबाट पठाएको जेसिबीले उक्त ढुंगा फुटाल्न नसकेपछि बझाङबाट ठुलो मेसिन मगाइएको जिल्ला प्रहरी कार्यालय बैतडीका प्रहरी निरीक्षक खेमविक्रम केसीले जानकारी दिनुभयो ।
सडकमा खसेको उक्त ठुलो ढुंगाको केहि भाग फुटालेर सानो गाडीहरु पास भएपनि ठुलो गाडी बिचबाटौमै रोकिएका छन्। बझाङ्गबाट बाहिरिने र बझाङ्ग जाने ठुला गाडीहरु रोकिदा यात्रुहरु अलपत्र परेका हुन् ।