बैतडी –बैतडीको सिगास गाउँपालिकामा नयाँ प्रमुख प्रशासकीय अधिकृत हाजिर भएका छन् । संघीय मामिला तथा समान्य प्रशासन मन्त्रालयले सिगास गाउँपालिकाको प्रमुख प्रशासकीय अधिकृतको रुपमा खटाएका कृष्णप्रसाद घिमिरे हाजिर भएका हुन् ।
बैतडीको सिगाससहित ५ ओटा गाउँपालिकामा मन्त्रालयले नयाँ प्रमुख प्रशासकीय अधिकृत खटाएको थियो ।गाउँपालिकामा नयाँ प्रमुख प्रशासकीय अधिकृत हाजिर भइसकेका गाउँपालिका अध्यक्ष हरिसिंह धामीले बताए ।
यसअघि जिल्लाको दोगडाकेदार गाउँपालिकामा गजेन्द्रप्रसाद थारु र शिवनाथ गाउँपालिकामा सुशीलकुमार शाह प्रमुख प्रशासकीय अधिकृतको रुपमा हाजिर भइसकेका छन् ।
प्रकाशित मिति: बुधबार, असोज ३, २०८० ०७:३०
प्रतिक्रिया दिनुहोस्