बैतडी- बैतडीका मनमोहनले  विद्यार्थीलाई  शैक्षिक सामग्री सहयोग गरेका छन् । जिल्लाको  डिलाशैनी  गाउँपालिका  वडा नं ४ मठैराज घरभइ हाल रोजगारीको  सिलसिलामा दक्षिण कोरियामा रहेका मनमोहन पन्तले विद्यार्थीहरुलाई शैक्षिक सामग्री सहयोग गरेका हुन् ।

पन्तले वडा नं  ४को  मठैराज मावि  हाडाकोटका  ८३ जना छात्रछात्राहरुलाई शैक्षिक सामग्री सहयोग गरेका  स्थानीय  महेश राज पन्तले जानकारी दिए । असोज ९ गते परेको  जन्मदिनको  अवसरमा बालबालिकालाई पठनपाठनमा सहज होस भनेर उनले  शैक्षिक सामग्री सहयोग गरेका हुन् ।

 सुदूरपश्चिम समाज कोरिया वुशानका निवर्तमान उपाध्यक्ष एवं सामाजिक अभियानता  मनमोहनले विदेशमा कमाएको रकम दुखी, पीडित, असहाय, अनाथ ,बेशहारा बालबालिकालाई सहयोग गर्दै आएका छन् । साथै जन्मभुमिको  विकासका लागि पनि उनले रकम पठाउँदै आएका छन् ।  उनले प्रारम्भिक शिक्षा हाशिल गरेको  विद्यालयलाई  सम्झिदै मठैराज माविको प्रावितहमा अध्यायनरत ८३ जना छात्र छात्राहरुका लागि पठाएको रकमले  शैक्षिक सामाग्री खरिद गरेर  बितरण  गरिएको स्थानीय पन्तले  बताए ।

वितरण गरिएका शैक्षिक सामग्रीले बालबालिकालाई अध्ययन गर्न सजिलो हुने  अपेक्षा गरिएको  छ । मनमोहन डिलाशैनि गाउँपालिका वडा नं ४ बस्ने बुवा गंगा दत्त पन्त र आमा गौपति पन्तका साइलो सुपुत्र हुन । उनि अहिले वैदेशिक रोजगारीको सिलसिलामा दक्षिण कोरियाको वुशान सहरमा छ्न ।