बैतडी- बैतडीको न्वालीमा आजबाट खुल्ला देउडा प्रतियोगिता हुन लागेको छ । जिल्लाको दोगडाकेदार गाउँपालिका ५ न्वालीमा आज राति देखि खुल्ला देउडा प्रतियोगिता हुन लागेको हो ।
नेपाल रेडक्रस सोसाइटी न्वालि उपशाखाको आयोजना तथा दोगडाकेदार गाउँपालिकाको सहयोगमा देउडा प्रतियोगिता भैरहेको नेपाल रेडक्रस सोसाइटी न्वालि उपशाखा सभापति बिरसिंह कार्कीले बताए ।
स्थानीय कला संस्कृतिको संरक्षण गर्ने उदेश्यले न्वालिमा अवस्थित देउलेक केदार मन्दिरमा लाग्ने रतेडी जात्राको अवसरमा देउडा प्रतियोगिता राखिएको उनले बताए । प्रतियोगिता आज राति देखि सुरु हुने भोलि समापन गरेर पुरस्कार वितरण गरिने उनले बताए । प्रतियोगितामा उचित पुरस्कारको व्यवस्था समेत गरिएको छ ।
देउडा प्रतियोगितामा प्रथम हुनेलाइ १५ हजार, द्वितियलाई १० हजार, तृतियलाई ५ हजार प्रदान गरिने छ । यस्तै सान्तोना स्थान हाशिल गर्नेलाई ३ हजार सहित प्रमाण पत्र प्रदान गरिने नेपाल रेडक्रस सोसाइटी न्वालि उपशाखा सभापति कार्कीले बताए ।
