बैतडी- बैतडीको शिबनाथ गाउँपालिका २ मा  कुमारी बैंकको शाखा रहित बैंकिङ सेवा सुरु भएको छ। पालिकाको शर्मालीमा रहेको मिलन मोबायल ग्यालरीमा कुमारी बैंकको शाखा रहित बैंकिङ सेवा सुरु  भएको हो । एक कार्यक्रमका बिच शुक्रबार  शाखाको उद्घाटन गरिएको छ ।  

टाढाका सेवाग्राहीलाई सेवा लिन सहज होस भनेर  शर्मालीमा शाखा रहित बैंकिङ सेवा सुरु  गरिएको गाउँपालिकाका अध्यक्ष कर्णसिंह साउदले  बताए ।   कुमारी बैंकले दिने सबै प्रकारका सेवा दिईने कुमारी बैंक मेलौली शाखाका प्रबन्धक नरेन्द्र सिंह साउदले बताए ।  

उक्त शाखा रहित सेवा केन्द्रबाट खाता खोल्ने, रकम जम्मा गर्ने र झिक्ने,लगायतका काम हुने उनले  बताए । आफ्नै ठाउँमा बैकिङ सेवा सुरु भएपछि  नागरिकहरुको टाढा जानुपर्ने  बाध्यता हटेको  छ ।