बैतडी- जिल्ला अस्पताल बैतडीमा शनिबार सञ्चालन भएको मानसिक स्वास्थ्य शिविरमा ५२ जनाले सेवा लिएका छन् । मानसिक समस्या भएका बिरामीहरुलाई लक्षित गरेर सञ्चाल भएको शिविरमा ५२ जनाले सेवा लिएका हुन् ।
विश्व स्वास्थ्य संगठनसंगको सहकार्यमा अस्पतालमा मानसिक स्वास्थ्य शिविर सञ्चालन गरिएको थियो । स्वास्थ्य शिविरमा २८ पुरुष, २३ महिला र एक जना बालकले सेवा लिएका जिल्ला अस्पताल बैतडीका मेडिकल सुपरिटेन्डेन्ट डाक्टर सुशिल बिकले जानकारी दिए ।
मानसिक समस्या जनस्वास्थ्यको विकराल समस्याको रुपमा देखा परेकाले स्थानीय नागरिकलाई सेवा लिन सहज होस भनेर अस्पतालमा मानसिक स्वास्थ्य शिविर सञ्चालन गरिएको उनले बताए । शिविरमा मानसिक रोग बिशेषज्ञ डा. निराजन भट्टराईले सेवा दिएका थिए ।
शिविरमा आएका बिरामीहरुलाई आवश्यक उपचारका साथै परामर्श सेवा समेत दिइएको छ । विश्व स्वास्थ्य संगठनसंगको सहकार्यमा जिल्ला अस्पताल बैतडीमा प्रत्येक महिनाको १३ गते मानसिक स्वास्थ्य शिविर सञ्चालन हुँदै आएको छ ।
