जरीवानाको रकम सोझै बैंक खातामा जमा हुने, किस्को मेसिन सञ्चालन
कैलाली –सुदूरपश्चिममा पहिलोपटक जरिवानाको रकम सोझै ट्राफिक प्रहरीको बैंक खातामा संकलन हुने उपकरण जडान भएको छ ।
किस्को मेसिन अर्थात सवारीसाधनबाट संकलित विभिन्न शिर्षकको रकम सोझै बैंक खातामा जम्मा हुने प्रणाली सञ्चालनमा ल्याइएको हो । आइतबार सुदूरपश्चिम प्रदेश ट्राफिक प्रहरीका प्रमुख प्रहरी उपरीक्षक (एसपी) राजिवबहादुर बस्नेतले जिल्ला ट्राफिक प्रहरी कार्यालय कैलालीमा सो उपकरणको उद्घाटन गरेका छन् ।
यस्तो उपकरण काठमाडौ उपत्यका बाहिर सुदूरपश्चिमका ७ ठाउमा पहिलो पटक राखिएको छ । मेसिनले बैंकमा पैसा जम्मा गर्ने, रिचार्ज गर्ने जस्ता सवा प्रवाह गर्ने छ । यो मेसिन कैलाली र कञ्चनपुरका सात स्थानमा सञ्चालन गरिए पनि पहाडी जिल्लामा समेत विस्तार गर्ने योजना छ ।
प्रकाशित मिति: सोमबार, चैत १९, २०८० १२:५५
प्रतिक्रिया दिनुहोस्
थप कैलाली
साताको लोकप्रीय
