बैतडी –बैतडीको दोगडाकेदार गाउँपालिकाका विभिन्न स्थानमा मकैमा अमेरीकन फौंजी किराको प्रकोप देखिएपछि किसानहरु चिन्तित भएका छन् । गाउँपालिकाको वडा नं २, ४ र ५ मा अमेरीकन फौंजी किराको प्रकोप देखिएको किसानहरुले बताएका छन् ।
गर्मीका कारण मकैमा फौंजी किराको प्रकोप बढेको र बर्षा शुरु भएमा केही कम हुन सक्ने दोगडाकेदार गाउँपालिकाका कृषि प्राविधिक रामबहादुर बिष्टले बताए र अमेरीकन फौंजी किराको प्रकोप देखिएका ठाउँमा औषधि सहित प्राविधिकहरु खटिएको उनले बताए ।
पछिल्ला केही बर्ष यता मकैमा अमेरीकन फौंजी किराको प्रकोप देखिन थालेपछि यसको उत्पादनमा समेत ह्रास आउने गरेको छ । अमेरीकन फौंजी किराको प्रकोप नियन्त्रणका लागि जैविक बिषादी र रासायनिक बिषादीको प्रयोग गर्न सकिने प्राविधिकहरुले बताएका छन् ।
प्रकाशित मिति: मंगलबार, असार ७, २०७९ १७:२८
प्रतिक्रिया दिनुहोस्