बैतडी- प्रतिनिधि सभासदस्यको सिट माओवादीको भाग परेपछि असन्तुष्ट बनेका बैतडी काँग्रेसका नेता धर्नामा बसेका छन् । बैतडीका लागि भएको सिटबारेको निणर्य सच्याउन माग गर्दै बैतडीबाट कांग्रेसका नेताहरु बालुवाटारमा धर्नामा बसेका हुन् ।
नेपाली काँग्रेस बैतडीका सभापति चतुरबहादुर चन्द सहित अन्य नेताहरु धर्नामा बसेका हुन् । निर्णय सच्याउन माग गर्दै बालुवाटारमा बैतडी काँगे्रस धर्नामा बसेको नेपाली काँग्रेस बैतडीका सचिव देव राज जोशीले बताए । गठबन्धनका र्शिषनेताहरुको सहमति अनुसार बैतडीमा संघको सिट नेकपा माओवादी केन्द्रको भागमा परेको छ ।
बैतडीमा गठबन्धनबाट संघको सिट माओवादीको भागमा परेपछि काँग्रेसका नेता तथा कार्यकर्ताहरुले असन्तुष्टी व्यक्त गरेका छन् । काँग्रेसले संघकोे टिकट पाउनु पर्ने माग गरिरहेका उनिहरु माथिबाट भएर आएको सहमतिले असन्तुष्ट देखिएका हुन् ।
काँग्रेसका नेता तथा कार्यकर्ताहरुले सिटबारे निर्णय नसच्याए माओवादीले भोट नै नपाउने अभिव्यक्ती दिइरहेका हुन् ।
