बैतडी- बैतडी सहित सुदूरपश्चिम प्रदेशमा पर्ने महाकाली र कर्णाली नदीहरुमा पानीको वहाव बढ्ने भन्दै सर्तकता अपनाउन आग्रह गरिएको छ ।
आज शनिवार र भोलि आइतवार कर्णाली, महाकाली र यसका सहायक नदीलगायत कर्णाली र सुदूरपश्चिम भइ बग्ने साना नदीमा बाढीको जोखिम रहेकाले सतर्कता अपनाउन बाढी पूर्वानुमान महाशाखाले अनुरोध गरेको हो । लगातारको वर्षाले महाकालीमा पानीको बहाव बढ्ने अनुमान छ ।
बाढी पूर्वानुमान महाशाखाले नदीहरूको वहाव बढ्ने जनाएकाले तटीय क्षेत्रका नागरिकहरुलाइ सर्तकता अपनाउन जिल्ला प्रशासन कार्यालय बैतडीले आग्रह गरेको छ । सुदूरपश्चिमको बैतडी, दार्चुला, डडेल्धुरा, डोटी, अछाम, बाजुरा, बझाङ कैलाली र कञ्चनपुर जिल्लामा जोखिम रहेको बताइएको छ ।
यस्तै बाँके, बर्दिया, ताप्लेजुङ, सङ्खुवासभा, इलाम, झापा, मोरङ, सुनसरी, दाङ, सल्यान, सुर्खेत, दैलेख, जाजरकोट, कालीकोट, जुम्ला, मुगु र हुम्लामा पनि आकस्मिक बाढीको जोखिम रहेकाले सतर्कता अपनाउन भनिएको छ ।
नदीहरूका तटीय क्षेत्रमा सतर्कता अपनाउन बाढी पूर्वानुमान म
हाशाखाले जनाएको छ।
