बैतडी- मंसिर ४ गते हुने प्रतिनिधि सभा र प्रदेश सभा चुनावका लागि आज प्रत्यक्षतर्फको उम्मेदवारी दर्ता हुँदैछ । बैतडीमा पनि प्रतिनिधि सभा र प्रदेश सभा चुनावका लागि आज प्रत्यक्षतर्फको उम्मेदवारी दर्ता भइरहेको हो ।
मुख्य निर्वाचन अधिकृत कार्यालय गढीमा बिहान १० बजेदेखि ५ बजेसम्म उम्मेदवारी दर्ता गर्न सकिने जिल्ला निर्वाचन कार्यालय बैतडीका सहायक निर्वाचन अधिकृत तिर्थ राज अर्चायले जानकारी दिए । मनोनयन दर्ता गर्न दलहरुका लागि छुट्टा छुट्टै सयम निर्धारण गरिएको उनले बताए ।
बैतडीमा मनोनयन दर्ताका लागि राष्ट्रिय प्रजातन्त्र पार्टीले ११ बजे देखि १२ बजे सम्म, राष्ट्रिय प्रजातन्त्र पार्टी नेपालले १२ बजे देखि १ बजे सम्म, नेकपा एमाले र एकीकृत समाजवादीका लागि १ बजे देखि २ बजे सम्मको समय निर्धारण गरिएको छ ।
यस्तै नेपाली काँग्रेसको ३ बजे, नेकपा माओवादी केन्द्रका लागि ४ बजे र जनता समाजवादी पार्टीका लागि साढे ४ बजेको समय तोकिएको सहायक निर्वाचन अधिकृत अर्चायले बताए । यस्तै स्वतन्त्रको हकमा समय नर्धारण नगरिएको र स्वतन्त्रले १० देखि ५ बजे सम्म उम्मेदवारी दर्ता गर्न सक्ने उनको भनाई छ ।
आयोगले तोकिएको समयभित्रै उम्मेदवारी दर्ता गर्न दल तथा उम्मेदवारलाई आग्रह पनि गरेको छ ।
