बैतडी- पहिरोले  अवरुद्ध सुदूरपश्चिमका मुख्य राजमार्ग सुचारु  भएका छन् । पहिरोले  अवरुद्ध डडेल्धुरामा भीमदत्त राजमार्ग र केआईसिँह राजमार्ग पहिरो हटाइए पछि सुचारु भएका हुन् ।

डडेल्धुराको साहुखर्क र रडुवाको पहिरो हटाइएको छ। पहिरोले अवरुद्ध भएका सुदूरपश्चिमका मुख्य दुई राजमार्ग सञ्चालनमा आएका हुन्।  अत्तरिया–डडेल्धुरा जोड्ने भीमदत्त राजमार्ग र डडेल्धुरा–डोटी जोड्ने डाकेआईसिंह राजमार्ग सञ्चालनमा आएका हुन्। 

यस्तै  डडेल्धुरा–बैतडी जोड्ने दशरथ चन्द राजमार्गको अनारखोली क्षेत्रमा खसेको पहिरो पनि हटाईको छ। सडक सुचारु भएपछि यात्रु आफ्नो गन्तव्यमा लागेका छन् ।  लगातारको वर्षाका कारण सुदूरपहाडका ग्रामिण सडकहरु अवरुद्ध छन्।