बैतडी- बैतडीमा प्रतिनिधि सभा सदस्यका लागि उम्मेदवारी दिएका चार जना स्वततन्त्र उम्मेदवार मध्ये १ जनाले मात्रै उम्मेदवारी फिर्ता लिएका छन् । नेकपा एकीकृत समाजवादीका पोलिटब्यूरो सदस्य तथा बैतडी जिल्ला इन्चार्ज समेत रहेका नेता परमानन्द भट्टले उम्मेदवारी फिर्ता लिएका हुन् । उनले आज दिउँसो १ बजे उम्मेदवारी फिर्ता लिएका हुन् ।
उम्मेदवारी फिर्ता लिएका एस नेता भट्टले आफुले उम्मेदवारी फिर्ता लिएको र गठबन्धनलाई सघाउँने बताएका छन् । बैतडीका सहायक निर्वाचन अधिकृत तिर्थ राज अर्चायका अनुसार प्रतिनिधि सभा सदस्यमा स्वतन्त्र उम्मेदवारी दिएका ४ जना मध्ये तीन जनाले उम्मेदवारी फिर्ता लिएका छैन्न ।
नेपाली काँग्रेसका नेता केशब बहादुर चन्द, मानसिंह विष्ट र त्रिलोक बहादुर चन्दले उम्मेदवारी फिर्ता नलिएका बताइएको छ । यस्तै प्रदेश सभा क्षेत्र क बाट उम्मेदवारी दिएका काँग्रेस नेता हरिमोन भण्डारीले पनि उम्मेदवारी फिर्ता लिएका छैनन् । आजै उम्मेदवारको अन्तिम मतदाता नामावली प्रकाशन गरिने र दिउँसो ४ बजेदेखि साँझ सात बजे सम्म उम्मेदवारहरुलाई चुनाव चिन्ह प्रदान गर्ने कार्यतालिका रहेको सहायक निर्वाचन अधिकृत अर्चायले बताए ।
बैतडीमा संघीय संसदका लागि स्वतनत्र सहित १२ जनाले उम्मेदवारी दर्ता गराएका थिए भने प्रदेश सभा सदस्यका लागि क्षेत्र नं (क) बाट एक स्वतनत्र सहित ६ जना र (ख)बाट ५ जनाले उम्मेदवारी दर्ता गराएका थिए । अब बैतडीमा ११ जना प्रतिनिधि सभा सदस्यका लागि चुनाव लड्ने छन् भने प्रदेश सभा सदस्यका लागि क्षेत्र नं (क) बाट एक स्वतनत्र सहित ६ जना र (ख)बाट ५ जनाले चुनाव लड्ने भएका हुन् ।
