बैतडी- जिल्ला प्रहरी कार्यालय बैतडीले प्रहरी दिवसको पूर्व सन्ध्यामा वृक्षा रोपण कार्यक्रम गरेको छ । ६७ औँ प्रहरी दिवसको पूर्व सन्ध्यामा आइतबार कार्यालय परिसरमा वृक्षारोपण कार्यक्रम गरेको जिल्ला प्रहरी कार्यालय बैतडीका प्रहरी प्रवक्ता प्रहरी निरीक्षक लोक राजा जोशीले जानकारी दिए ।
परिसर भित्र विभिन्न परजातिका बोटविरुवा रोपण गरिएको उनले बताए । कार्यालयको हाताभित्र प्रहरी प्रमुख प्रहरी नायव उपरीक्षक प्रेम बहादुर शाही, लगायत अन्य प्रहरी कर्मचारीहरुले बिभिन्न प्रजातीका बोटबिरुवाहरू रोपण गरेका उनको भनाई छ ।
प्रहरी संगठनको स्थापना भएको दिनको समझनामा सोमबार ६७ औँ प्रहरी दिवस विभिन्न कार्यक्रम गरि मनाउने तयारी भइहरको जिल्ला प्रहरी कार्यालय बैतडीले जनाएको छ । भोली देशैभरी ६७ औँ प्रहरी दिवस मनाइदै छ । देशभरी जस्तै बैतडी प्रहरीले पनि विभिन्न कार्यक्रम गरि प्रहरी दिवस मनाउने तयारी गरेको प्रहरी प्रवक्ता जोशीले बताए ।
प्रहरी संगठनको स्थापना विसं २०१२ साल असोज ३१ गते भएको थियो । प्रहरी ऐनमा तत्कालीन राजा महेन्द्रबाट लालमोहर लागेको दिनलाई प्रहरीले आफ्नो संस्थाको जन्मदिन मानेर २०५२ सालदेखि प्रहरी दिवस मनाउदै आएको छ ।
