बैतडीमा थपिए पाँच मतदान केन्द्र
बैतडी–आसन्न प्रतिनिधि सभा र प्रदेश सभाको निर्वाचनका लागि बैतडीमा ५ ओटा मतदान केन्द्र थपिएका छन् । २०५ ओटा मतदान केन्द्र रहेको बैतडीमा आसन्न चुनावका लागि ५ ओटा मतदान केन्द्र थप भएर मतदान केन्द्रको संख्या २ सय १० पुगेको छ ।
आसन्न निर्वाचनका लागि मणिलेक मावि गुरुखोला, शिवस्थली मावि जर्ग, दशरथचन्द नगरपालिका वडा नं ५ को कार्यालय पल्लाचौंडाली, पुर्चौंडीस्थित जनता मावि रौनालीचौर र मेलौलीस्थित कोटेश्वर आधारभूत विद्यालयमा केन्द्र थप गरिएको जिल्ला निर्वाचन अधिकारी माधवप्रसाद फुँयालले जानकारी दिए ।
यस्तै आसन्न निर्वाचनका लागि जिल्ला कारागारमा पनि एउटा अस्थायी मतदान केन्द्र राखिने फुँयालले जानकारी दिए । जिल्लामा १२९ मतदानस्थल रहेका छन् भने २१० ओटा मतदान केन्द्र राखिएका छन् ।
प्रकाशित मिति: सोमबार, असोज ३१, २०७९ ०८:४१
प्रतिक्रिया दिनुहोस्
साताको लोकप्रिय
