Sagun Khabar
बैतडीमा माओवादीका विजयसुन्दरले लिए अग्रता ,एमालेका भण्डारी पछि परे 

बैतडी –बैतडीमा प्रतिनिधि सभा तर्फको जारी मतगणना गठबन्धनका साझा उम्मेदवार नेकपा माओवादी केन्द्रका नरेन्द्र कुँवर (विजयसुन्दर)ले अग्रता लिएका छन् । मतगणनाको शुरुदेखि नै अग्रता लिइरहेका एमालेका उम्मेदवार दामोदर भण्डारीलाई पछि पार्दै कुँवरले अग्रता लिएका हुन् । 

३१ हजार ४७४ मत गणना हुँदा माओवादी केन्द्रका कुँवरले १३ हजार ७३२ मत प्राप्त गरेका छन् । एमालेका भण्डारीले १३ हजार ४२ मत प्राप्त गरेका छन् । पछिल्लो परिणाम अनुसार माओवादी केन्द्रका कुँवर ६९० मत अघि देखिएका छन् । प्रतिनिधि सभा अन्तर्गत अहिले पुर्चौंडी नगरपालिकाको मत गणना भइरहेको छ । पञ्चेश्वर गाउँपालिका, शिवनाथ गाउँपालिका,मेलौली नगरपालिका र डिलाशैनी गाउँपालिकाको मतगणना सम्पन्न भइसकेको छ । 

प्रकाशित मिति: बुधबार, मंसिर ७, २०७९  २०:४५
प्रतिक्रिया दिनुहोस्