अछाममा हायस दुर्घटना
अछाम- अछाममा हायस दुर्घटना भएको छ । विहिबार बिहान अछामको सदरमुकाम मंगलसेन स्थित जिल्ला कारागार कार्यालय तल्तिर अस्पताल जाने बाटो नजिकै हायस दुर्घटना भएको हो ।
हायस दुर्घटना हुँदा गाडी चालक कमलबजार नगरपालिका ५ का अन्दाजी ३० वर्षीय श्याम खत्री गम्भीर घाइते भएको जिल्ला प्रहरी कार्यालय अछामका सूचना अधिकारी प्रहरी निरीक्षक कैलाश सिंह बिष्टले जानकारी दिए ।
कमलबजार नगरपालिका वडा नम्बर ५ का गाडी मालिक नरेश शाहीको लु २ ख ६४८० नम्बरको हायस अनियन्त्रित भएर दुर्घटना भएको बिष्टले बताए। गाडीमा अन्य यात्रु नरहेको प्रहरी निरीक्षक बिष्टले बताए। घाइते भएका चालक खत्रीको जिल्ला अस्पताल अछाममा उपचार भइरहेको छ ।
प्रकाशित मिति: बिहीबार, पुस २१, २०७९ १०:१६
प्रतिक्रिया दिनुहोस्
साताको लोकप्रीय
-1712831200.jpeg)
