बैतडी- बुधबार देखि बैतडीका २२ हजार बढी बालबालिकलाई भिटामिन ‘ए’र जुकाको औषधि खुवाइने भएको छ । जिल्ला भित्रका बालबालिकालाई भिटामिन ‘ए’ क्याप्सुल र जुकाको औषधि खुवाइने स्वास्थ्य कार्यालय बैतडीले जनाएको छ ।
जिल्ला भित्रका २० हजार ३१ बालबालिकालाई जुकाको औषधि र २२ हजार ५ सय ५१ बालबालिकालाई भिटामिन ‘ए’ क्याप्सुल खुावाइने स्वास्थ्य कार्यालय बैतडीका सूचना अधिकारी बिपीन लेखकले जानकारी दिए ।औषधि संगै बालभिटा पनि खुवाउने बताइएको छ । आवश्य औषधि पालिकाहरुमा पठाइ सकिएको सूचना अधिकारी लेखकले बताए ।
६ देखि ५९ महिना उमेर महिनासम्मका बालबालिकलाई भिटामिन ए क्याप्सुल र १२ देखि ५९ महिना उमेर सम्मका बालबालिकालाई जुकाको औषधि खुवाइने आफ्ना बालबालिकाहरूलाई महिला स्वास्थ्य स्वयंसेविकामार्फत् भिटामिन ‘ए’ क्याप्सुल र जुकाको औषधि खुवाउन अभिभावकहरुलाई आग्रह गरिएको छ ।
सरकारले हरेक वर्ष बैशाख र कात्तिक महिनामा बालबालिकाहरूलाई भिटामिन ए र जुकाको औषधि खुवाउने कार्यक्रम संचालन गर्दै आएको छ ।
