बैतडीमा १४ वर्षीया बालिका बलात्कार आरोपमा ७० वर्षीय वृद्ध पक्राउ परेका छन् । अपाङ्गता भएकी १४ वर्षीया बालिकालाई बलात्कार गरेको आरोपमा पाटन नगरपालिका ९ का एक वृद्ध पक्राउ परेका हुन । गत पुषमा नै बालिकामाथी बलात्कार गरिएको बताइएको छ । 

आरोपित वृद्धलाई मंगलबार नै पक्राउ गरि अनुसन्धान अघि बढाएको इलाका प्रहरी कार्यालय पाटनका प्रमुख, प्रहरी निरिक्षक कमल प्रशाद चौधरीले जानकारी दिए ।

गत पुषमा बलात्कार भएको भनी उजुरी आएको र त्यसपछि आरोपितलाई पक्राउ गरेको प्रहरीले जनाएको छ ।  आरोपित र पिडित आफन्तनै भएकाले परिचय गोप्य राखेको र घटनाको बिषयमा थप अनुसन्धान भइरहेको  प्रहरी निरिक्षक चौधरीले जानकारी दिए ।

आरोपितमाथी अदालतबाट १० दिनको म्याद थपेर अनुसन्धान अघि बढाएको छ ।