बैतडी- बैतडीको सुर्नया गाउँपालिका वडा नं  २ डुङ्गरीमा स्थानीयले गौरा घर  निर्माणका लागि जग्गा दान गरेका छन् । गौरा घर   अभावमा समस्या भैरहेकाबेला निर्माणका लागि स्थानीयहरुले  जग्गादान गरेका हुन् ।

डुङ्गरी बस्ने हरिभक्त ऐरीका नाति, दौलत सिंह ऐरीका छोरा गाउँका मुखिया  दान बहादुर ऐरी र  लाल सिंह ऐरीका नाति  मान सिंह ऐरीका छोरा वीर बहादुर ऐरीले   गौरा घरको लागि जग्गा दान गरेका स्थानीय एवं काँग्रेसका युवा नेता चन्द्र सिंह ऐरीले जानकारी दिए ।  

जग्गादान गर्ने दानबहादुर ऐरी वडा नं  २ का निर्वाचित वडा सदस्य हुन्  । समाजिक  कार्यका लागि अग्रसर भएर निशुल्क जग्गा दान गर्ने जग्गा दाताहरुलाइ काँग्रेसका युवा नेता ऐरीले   धन्यवाद व्यक्त गरेका छन् ।
यस्तै गौरा घर  निर्माण कार्य पनि शुभारम्भ भएको छ ।

 गाउँका मुखिया तथा  वडा सदस्य  दान बहादुर ऐरीले शुक्रबार  एक कार्यक्रमका बिच गौरा घरको शिलान्यास गरेका हुन् । सुदूरपश्चिम प्रदेशको बजेटबाट   गौरा घर  निर्माण भैरहेको बताइएको छ ।  अभावले  समस्या भैरहेकाले  निर्माणपछि गौरा पर्वमा स्थानीयहरुलाई  सहज हुने अपेक्षा गरिएको छ ।