बैतडी- बैतडीको पञ्चेश्वर  गाउँपालिकामा मदिरा पसलमा औषधीको  कारोबार  हुने  गरेको  पाइएको   छ ।  मंगलबार अनुगमनका क्रममा मदिरा पसलमा भेटेरेनरी सञ्चालन गरेर औषधी विक्रिवितरण हुने  गरेको  पाइएको  हो ।

अर्केको नामको लाइसेन्समा मदिरा पसल सञ्चालन गरेर सोहि पसलमा भेटेरेनरि  सेवा समेत प्रवाह गरेको  पाइएपछि जरीवाना असुल गरिएको अनुगमन टोलिले जनाएको छ । लाइसेन्स अर्केको  नामका त्यसमाथि मदिराको कारोबार संगै  औषधी विक्रि वितरण गर्ने गरेका  गाउँपालिकाको  वडा नं  ३ र ४ भित्रका  अधिकाँश पसलमा अनुगमन गरेर जरिवान  काटिएको  पञ्चेश्वर गाउँपालिकाले जनाएको छ ।

 यस्तै  अनुगमनका क्रममा मृतक व्यक्तिका साथै अर्कै व्यक्तिका नामका लाइसेन्स प्रयोग गरेर मदिराको  कारोबार भैरहेको  पाइएको हो । नियम विपरित बस्त्रालयमा खुद्रा सामान संगै  मदिराको कारोवबार गरिरहेका व्यवसायीलाई  कारबाही गरिएको छ । वडा नं  ३ र ४ मा नियमविपरित सञ्चालनमा रहेका पसलहरुमा ८२ हजार  जरीवाना असुल गरिएको  पञ्चेश्वर गाउँपालिकाका प्रमुख प्रशासकीय अधिकृत कृष्ण बहादुर  बोहराले  बताए ।

नियम  विपरित सञ्चालनमा रहेका तीन ओटा पसल  सिल गरिएका उनले  बताए ।   सो पसलहरुलाई  सिल गरिएको र ईजाजत पत्र बनाउन समेत आग्रह गरिएको उनले बताए । अन्य  पसलहरुमा समेत अनुगन गरेर ५१ हजार  मुल्यबराबरका म्याद नाघेका सामग्री बरामद गरि नष्ट  गरिएको छ  ।

बजारमा अनुशासन कायम गर्नका लागि पञ्चेश्वरमा बजार अनुगमन कार्य जारी रहेको छ ।  जिल्लाका विभिन्न ठाउँमा बेलाबेलामा अनुगमन गर्ने गरिएको भएपनि म्याद नाघेका सामग्री विक्रि गर्ने कार्य अझै बन्द हुन सकेको छैन् । नियम विपरित सञ्चालन गरेर मानव स्वास्थ्यमा हानी पुर्याउने म्याद नाघेका सामग्री विक्रि वितरण गर्नेलाई कारवाही गर्ने गरिएको प्रमुख जिल्ला अधिकारी सुरेश  पन्थीले बताए ।

बजार अनुगमनमा प्रमुख जिल्ला अधिकका,री प्रहरीप्रमुख , जनप्रतिनिधि र  कर्मचारीहरुको  सहभागिता रहेको  थियो ।