बैतडी- बैतडीमा   बुधवारबाट  देखि विद्युत सेवा अवरुद्ध हुने भएको  छ ।  बुधवारबाट जेठ २० गते सम्म  विहान ६ देखि बेलुका ५ बजेको समयमा विद्युत आपूर्ति  बन्द हुने  भएको  हो ।  

मंगलबार  नेपाल विद्युत प्राधिकरण वितरण केन्द्र बैतडीले एक सूचना जारी गरेर विद्युत सेवा अवरुद्ध हुने  जनाएको  छ । ३३ र ११ केभी प्रशारण लाईनमा लागेका रुखहरुको हांगाबिंगा छेकान गर्नुपर्ने भएकाले बजार फिडरका विभिनन क्षेत्रमा जेठ १० गतेदेखि २० गतेसम्म बिहान ६ देखि बेलुका ५ बजेको समयमा  विद्युत सेवा अबरुद्ध हुने सूचनामा उल्लेख गरिएको  छ ।  

२० गते  अगावै छेकान कार्य सम्पन्न भइहाले  जुनसुकै समयमा पनि बत्ती आउने  जनाइएको  छ ।  सो  समयमा बिजुलीका  पोल, तार र स्टेमा  नछोइदिन पनि नेपाल विद्युत प्राधिकरण वितरण  केन्द्र बैतडीले सबैमा अनुरोध गरेको  छ ।