बैतडी- बैतडीको दोगडाकेदार गाउँपालिकामा हाकिम हाजिर भएका छन् । गजेन्द्रप्रसाद थारु गाउँपालिकामा  हाकिमको  रुपमा हाजिर भएका हुन् । सङ्घीय मामिला तथा सामान्य प्रशासन मन्त्रालयले भदौ ५ गते अधिकृत थारुलाई दोगडाकेदार गाउँपालिका खटाएको थियो ।

मन्त्रालयले हाकिमको  रुपमा खटाएपछि उनि सोमबार देखि पालिकामा हाजिर भएका हुन् । सामान्य  मन्त्रालयले  दोगडाकेदार सहित पाँच पालिकामा प्रमुख प्रशासकिय अधिकृत खटाएको छ । जिल्लाको सिगास गाउँपालिकाको प्रमुख प्रशासकीय अधिकृतमा कृष्णप्रसाद घिमिरे, शिवनाथ गाउँपालिकाको प्रमुख प्रशासकीय अधिकृतमा सुशीलकुमार साह र पञ्चेश्वर गाउँपालिकाको प्रमुख प्रशासकीय अधिकृतमा उज्ज्वल आनन्दलाई खटाइएको छ ।

यस्तै दोगडाकेदार गाउँपालिकाको प्रमुख प्रशासकीय अधिकृतमा गजेन्द्रप्रसाद थारु र डिलाशैनी गाउँपालिकाको प्रमुख प्रशासकीय अधिकृतमा रंजय पटेललाई खटाइएको हो  ।  मन्त्रालयको कर्मचारी प्रशासन महाशाखाले नयाँ नियुक्त भएका, ६ महिना तालिम सकेका शाखा अधिकृतहरुलाई गाउँपालिकाको प्रमुख प्रशासकीय अधिकृतका रुपमा खटाएपछि पालिकाहरुलाई  काम गर्न   सहज हुने अपेक्षा गरिएको  छ ।