बैतडी- बैतडीको पाटन नगरपालिकाले गौरा पर्वको बिदा दिएको छ । गौरा पर्वको अवसरमा नगरपालिकाले बिहीवार भदौ २१ गते एक दिन बिदा दिएको हो ।
गौरा पर्वको अवसरमा भोलि एक दिन सार्वजनिक बिदा दिइएको नगरपालिकाका नगरप्रमुख गौरिसिंह रावलले जानकारी दिए । भोलि पाटन नगरपालिकाका वडा कार्यालयहरु, नगरपालिकामा रहेको अन्य सरकारी तथा गैह्र सरकारी कार्यालयहरु, शैक्षिक संस्थाहरु बन्द रहने छन ।
भदौ ७ गते गौरा नमनाएका ठाउँमा गौरा पर्वको रौनक शुरु भएको छ । .भदौ ७ गते गौरा पर्व नमनाएका ठाउँहरुमा पालिकाहरु अहिले स्थानीय बिदा दिइरहेका छन् । जिल्लाको दोगडाकेदार र सुर्नया गाउँपालिकाले २१ र २२ गते सार्वजनिक बिदा दिएको छ भने डिलाशैनी गाउँपालिकाले पनि २१ गते भोलि बिदा दिएको छ ।
७ गते गौरा नमनाएका ठाउँमा भोलि मुख्यदिन गौराष्टमी अर्थात अठ्यावाली मनाइदै छ ।