बैतडी- मानव बेचबिखन विरुद्धको दिवस बैतडीमा पनि मनाइएको छ । जिल्ला समन्वय समितिको आयोजनामा १७ औँ मानव बेचविखन विरुद्धको दिवस मनाइएको हो । विभिन्न कार्यक्रम गरेर जिल्लामा दिवस मनाईको हो ।
जिल्ला प्रशासन कार्यालयबाट ¥याली निकालेर गोठलापानी बजारमा कोणसभा गरिएको थियो । कोणसभाको सम्बोधन गर्दै प्रमुख जिल्ला अधिकारी सुरेश पन्थीले रोजगारीको प्रलोभन देखाउदैँ भारत लगायतका विभिन्न देशहरुमा मानव बेचबिखन गर्ने गरिएकाले यसलाई रोक्न जनचेतना अभिवृद्धि गर्नुपर्ने बताए ।
मानव अधिकारकर्मी सरस्वती नेपालीले आर्थिक अवस्था कमजोर भएका विपन्न परिवारका व्यक्तिहरु बेचबिखनमा पर्ने गरेकोले उनिहरुको सशक्तिकरणमा सरकारले ध्यान दिनुपर्ने बताइन् । मानव बेचबिखन विरुद्धको जिल्ला समन्वय समिति संयोजक एंव प्रमुख जिल्ला अधिकारी सुरेश पन्थीको अध्यक्षतामा दिवस मनाइएको हो । कार्यक्रममा जिल्ला स्थित कार्यालयका प्रमुख तथा प्रतिनिधिहरुको सहभागिता रहेको थियो ।