चितुवाको आक्रमणबाट बैतडीमा एक किशोरी गम्भीर
बैतडी- बैतडीमा चितुवाको आक्रमणबाट एक किशोरी गम्भीर घाइते भएकी छिन् ।जिल्लाको पञ्चेश्वर गाउँपालिका वडा नं ३ बगडीका जयराज लोहारकी १७ वर्षिया छोरी पुजा लोहार चितुवाको आक्रमणबाट गम्भीर घाइते भएकी हुन ।
घाइते किशोरीको अवस्था गम्भीर रहेको जिल्ला प्रहरी कार्यालय बैतडीका प्रहरी निरीक्षक योगेश खत्रीले जानकारी दिए । आज वडाकै बगरेटी रोल भन्ने जंगलमा घाँस काट्न गएका बेला उनलाई चितुवाले आक्रमण गरेको बताइएको छ ।
चितुवाको आक्रमणबाट गम्भीर किशोरीको केशरपुर प्राथमिक स्वास्थ्य केन्द्र मेलौलीमा उपचार भैरहेको प्रहरीले बताएको छ ।
प्रकाशित मिति: बिहीबार, भदौ २१, २०८० १३:३२
प्रतिक्रिया दिनुहोस्
साताको लोकप्रीय
